Nomineer JOU Hermanus Diensuitnemendheidheld

Nomineer JOU Hermanus Diensuitnemendheidheld

Renier Cronje van Talisman is die eerste diensuitnemendheidheld in die Departement van Ekonomiese Ontwikkeling en Toerisme se 2018 Besigheidsdiensuitnemendheidsprogram. 

Die Reis na Diensuitnemendheidprogram fokus daarop om ‘n kultuur van uitnemende diens in die Hermanus-area te bevorder.  

Niel Cahill van BHB Paarl het vir Renier Cronje genomineer omdat hy altyd ‘n ekstra myl vir kliënte loop, veral na-ure. As diensadviseur by Talisman, skakel Renier soggens kliënte om uit te vind of daar iets is wat hulle benodig en lewer dit dan betyds af.  

Hoekom dink Renier is hy genomineer? “Ek help altyd waar ek kan en het baie by die eienaar, Joe Terblanche, geleer.”

Renier se raad aan ander besighede wat na diensuitnemendheid streef, is: “As jy sê jy gaan iets doen, doen dit dadelik en handel dit af - al beteken dit jy moet langer ure werk. ‘n Passie vir wat jy doen maak goeie dienslewering makliker.”

Bly ingeskakel by Radio Whale Coast 91.4FM en nomineer jou Diensuitnemendheidheld op Vrydae tussen 06:00 en 09:00. Skakel (028) 312 1548 of stuur ‘n WhatsApp stemboodskap na 072 040 5768.